माडीका विपन्न विद्यार्थीलाई शैक्षिक सामग्री

माडी / माडी नगरपालिकाको कालिका आधारभुत विद्यालयमा अध्ययनरत बिपन्न परिवारका विद्यार्थीहरुलाई शैक्षिक सामग्री वितरण गरिएको छ । कालिका आधारभुत विद्यालयमा अध्ययनरत एक सय ३९ जना विद्यार्थीहरुलाई शैक्षिक सामाग्री वितरण गरिएको हो ।
विद्यालय व्यवस्थापन समितिका अध्यक्ष नीलकन्ठ काफ्लेको प्रमुख आतिथ्यतामा सम्पन्न कार्यक्रमको व्यवस्थापन रोहन गैरेलगायतको समूहले गरेको थियोे ।
कार्यक्रमका वक्ताहरुले शैक्षिक सामाग्री पाएका विद्यार्थीहरुले उच्च शिक्षा अध्ययन गर्नलाई यस्ता सामग्रीले अझ थप प्रेरणा मिल्ने बताए ।
एकेडेमी अफ मेडिकल एन्ड इन्जिनियरिङ साइन्सका व्यवस्थापक रोजी गैरेले शैक्षिक सामाग्री वितरणले विद्यार्थीहरुलाई थप हौसला प्रदान गर्ने बताए । उनले आगामी दिनहरुमा पनि यस्ता कार्यक्रमहरु गर्न आयोजक र सहयोगी सस्थाहरुसँग आग्रह गरेकी छिन् ।