कुकुरको दिसा व्यवस्थापन नगर्ने धनीहरुलाई वडाले कारवाही

चितवन / भरतपुर महानगरपालिका वडा नं. २ ले कुकुर पाल्ने तर, कुकुरको दिसा व्यवस्थापन नगर्ने कुकुर धनीलाई कारवाही गर्ने भएको छ । ‘घरमा कुकुर पाल्ने । तर, कुकुरलाई दिसा गराउन भने बाहिर निकालेर अर्काको घर अगाडि उभ्याउने गरेको गुनासो धेरै नै आइसक्यो,’ वडाअध्यक्ष मनोज रानाभाटले भने, ‘अब हामी त्यस्ता कुकुर धनीलाई कारवाही गर्छौँ ।
तर, त्यसको लागि टोल विकास संस्थामार्फत हामीलाई पत्राचार गर्नुहोस् ।’ वडाले सोमबार आयोजना गरेको भेलामा टोलवासीले कुकुरबाट हुने फोहोरको व्यवस्थापनमा ध्यान दिन वडालाई ध्यानाकर्षण गराएको थियो ।