तामाङ चलचित्र ‘दार्बुङ’ भाद्र ११ गते प्रदर्शन हुने

मकवानपुर / मकवानपुरको हेटौंडामा भदौ ११ गते तामाङ कथानक चलचित्र दार्बुङ प्रदर्शन हुने भएको छ । मकवानपुर तामाङ कलाकार संघको आयोजनमा तामाङ चलचित्र दार्बुङ हेटौंडामा प्रदर्शन हुन लागिएको हो ।
हेटौंडाको ओम्याक्स सिनेमा हलमा प्रदर्शन हुने उक्त चलचित्र सञ्जय लामा र अर्जुन लामाले निर्देशन गरेका हुन् । चलचित्र लोसाङ लामा, ईकेश लामा, खर्पाई मोक्तान र भुइसल लामाको लगानीमा निर्माण गरिएको हो ।
चलचित्रमा कर्शाङ लामाको संगित रहेको छ । जयनन्द लामा, सुनिता लुङबा, सञ्जय लामा, मानबहादुर तामाङ, डोमा ह्योल्मो, विशाल लामा, माया देबी मोक्तान, राजकुमार मोक्तान, सिर्जना गोले, सुन माया घिसिङ लगायतले अभिनय गरेका छन् ।
चलचित्रमा सुरज श्रेष्ठको द्वन्द निर्देशन रहेको छ भने बबिता लामा, पुजा लामा , आकाश लामा र कर्शाङ लामाको स्वरमा गित रहेको छ । हाल चलचित्रको अग्रिम टिकट धमाधम बिक्री भइरहेको छ । मकवानपुरमा तामाङ समुदायको बाहुल्यता रहेकोले उक्त चलचित्र प्रदर्शनका दिन हलमा दर्शकको राम्रो उपस्थिति रहनेमा ढक्क रहेको आयोजकले जनाएको छ ।