ट्याङकरको ठक्करबाट स्कुटर चालकको मृत्यु

चितवन / ट्याङकरले स्कुटरलाई ठक्कर दिंदा एक जनाको मृत्यु भएको छ । चितवनको टिकौलीस्थित जंगलमा बिहिवार साँझ अन्दाजी पौने ६ बजे सो घटना भएको हो ।
चितवन प्रहरीका अनुसार बीरगन्जबाट काठमाण्डौतर्फ आई रहेको ना ७ ख ३७२३ नम्बरको तेल बोक्ने ट्याङकरले भरतपुरबाट टांडीतर्फ गइरहेको बा ८३ प ५५३ नम्बरको स्कुटरलाई ठक्कर दिएको हो ।
दुर्घटनामा घाइते स्कुटर चालक भरतपुर–९ गोन्द्राङ बस्ने वर्ष अन्दाजी ६२ को प्राण जवारा गम्भिर घाईतेको नयाँ मेडिकल कलेज भरतपुरमा उपचारको क्रममा ज्यान गएको हो ।
उनको साँझ ७ बजेको समयमा मृत्यु भएको प्रहरीले जनाएको छ । दुबै सवारी साधन र ट्याङकर चालक हेटौंडा ११ नवलपुर बस्ने बर्ष ३८ को तुलाराम मैनाली प्रहरी नियन्त्रणमा रहेका छन् ।