मासु खाँदा घाँटीमा हड्डी अड्किपछि …

चितवन / बडा दशैं नजिकिएसँगै हरेक मानिसको घरमा घरमा मासुजन्य परिकारहरु पाक्ने गर्छ । कहिलेकाँहि त्यही मासुका कारण अकालमा मानिसको ज्यान जाने गरेको पाइन्छ ।
यस्तै सोमबार चितवनमा मासु खाँदा घाँटीमा हड्डी अड्किएर एक जनाको मृत्यु भएको जिल्ला प्रहरी कार्यालय चितवनले जनाएको छ ।
चितवनका प्रहरी प्रवक्ता विजयराज पण्डितका अनुसार कालिका नगरपालिका वडा नं. ८ गैरीवारीका ५० वर्षीय धनबहादुर दानी क्षेत्रीको मासु खाने क्रममा घाँटीमा हाड अड्किएर मृत्यु भएको हो ।
क्षेत्रीलाई साँझ करिब ७ः३० बजे खाना खाने क्रममा मासुको हड्डी अड्किएको हो भने सुरुमा स्थानीय मेडिकलमा लगिएको थियो । उनलाई त्यहाँ उपचार हुन नसकेपछि पुरानो मेडिकल कलेज लगिएकोमा चिकित्सकले मृत घोषणा गरेको प्रवक्ता पण्डितले जानकारी दिए ।