खैरहनीमा गैंडा मृत फेला, करेन्ट लागेको आशंका

चितवन / पूर्वी चितवनको खैरहनी नगरपालिका–१२ इचर्नीमा एक गैंडा मृत अवस्थामा फेला परेको छ । आज (बिहीबार) बिहान करिब ५ वर्षको गैंडा मृत फेला परेको चितवन राष्ट्रिय निकुञ्जका सूचना अधिकारी गणेशप्रसाद तिवारीले जानकारी दिए ।
तिवारीका अनुसार आज बिहान खैरहनी १२ मा करिब ५ वर्षको गैंडा मरेको भनेर खबर प्राप्त भएको हो । ‘घटनाबारे थप अनुसन्धान भइरहेको उनले बताए ।
इचर्नी खोला नजिक एउटा गैंडा करेन्ट लागेर मरेको कुमरोज सामुदायिक वनका अध्यक्ष गणेश श्रेष्ठको भनाइ छ । स्थानीय बगुंर फार्ममा जडान गरिएको विजुलीको नांगो तारमा छोएर गैंडा मरेको हुन सक्ने आशंका गरिएको छ ।