शताब्दीपुरुष सत्यमोहन जोशीको निधनमा देशभर सार्वजनिक विदा

काठमाडौं / नेपाल सरकारले देशभर सार्वजनिक विदा दिने भएको छ । गृह मन्त्रालयले (आज) सोमबार एक सूचना जारी गर्दै शताब्दीपुरुष सत्यमोहन जोशीको निधनको शोकमा सरकारले भोली सार्वजनिक विदा दिने निर्णय गरेको हो ।
शताव्दी पुरुष जोशीको १०३ वर्षको उमेरमा आइतबार बिहान निधन भएको थियो । उनको निधनको शोकमा देशभरका सरकारी कार्यालय, सार्वजनिक संघसंस्था र विदेशस्थित कुटनीतिक नियोगमा राष्ट्रिय झण्डा झुकाउने निर्णय भएको गृह मन्त्रालयका प्रवक्ता फणिन्द्रमणि पोखरेलले जारी गरेको विज्ञप्तीमा उल्लेख छ ।
जोशीलाई आइतबार श्रद्धाञ्जली अर्पण गर्न जाँदा संस्कृति, पर्यटन तथा नागरिक उड्डयन मन्त्री जीवनप्रेम श्रेष्ठले जोशीको निधनको शोकमा एक दिन सार्वजनिक विदा दिने घोषणा गरेका थिए ।