देवघाटमा ब्याडमिन्टन प्रतियोगिता आजदेखि सुरु

देवघाट / ‘स्वास्थ्यका लागि खेलकुद, राष्ट्रका लागि खेलकुद’ भन्ने मुल नारासहित देवघाट ब्याडमिन्टन संघ देवघाटको आयोजनामा दोस्रो गाउँपालिका अध्यक्ष कप डबल ब्याडमिन्टन प्रतियोगिता आज (शुक्रबार) देखि सुरु हुने देवघाट ब्याडमिन्टन संघका अध्यक्ष अनिल मिश्रले जानकारी दिए ।
ब्याडमिन्टन खेलमा तनहुँ, चितवन, नवलपुर र गोरखा जिल्लाका गरी करिब ३५ टिमको सहभागीता जनाउने खेल संयोजक बलबहादुर क्षेत्रीले बताए । प्रतियोगिता संचालनको लागि खेल मैदान निर्माण सहित करिब ८ लाख खर्च लाग्ने बताइएको छ ।
प्रतियोगितामा टिम दर्ता शुल्क ३ हजार राखिएको छ भने प्रतियोगितामा प्रथम, द्वितिय, तृतीय हुने टिमले क्रमशः ४० हजार २० हजार १० हजार सहित शिल्ड, मेडल र प्रमाणपत्रको ब्यवस्था गरिएको छ ।