चितवनका उवासंघ सदस्यलाई स्वास्थ्य सेवामा छुट

चितवन / उद्योग वाणिज्य संघ–चितवनका सदस्यलाई नारायणी सामुदायिक हस्पिटल भरतपुरले स्वास्थ्य सेवामा सहुलियत दिने भएको छ । उद्योग वाणिज्य संघ–चितवन र हस्पिटल बीच आज (मंगलबार) छुट दिने सम्झौता पत्रमा हस्ताक्षर भएको हो ।
संघको संस्थागत उत्तरदायित्व अन्र्तगत रही आवद्ध सदस्य व्यवसायीलाई छुट दिने व्यवस्था गरिएको संघका वरिष्ठ उपाध्यक्ष सुमनकुमार श्रेष्ठले जानकारी दिए । सदस्यलाई दिने सेवा सुविधा बृद्धि गर्नको लागि संघ प्रयत्नशील रहेको श्रेष्ठको भनाइ थियो ।
नारायणी सामुदायिक हस्पिटलका प्रशासकीय अधिकृत अरुण लम्सालले उद्योग वाणिज्य संघ–चितवनमा आवद्ध सदस्यलाई सेवा सुविधा दिन पाउँदा खुशी लागेको बताए । सदस्य व्यवसायीका परिवारका अन्य सदस्यहरुले समेत सो सुविधा प्राप्त गर्ने उनले भने ।
संघका कार्यकारी निर्देशक निलबहादुर केसीले सहुलियत सुविधाको लागि संघमा आवद्ध सदस्यहरुले संघबाट प्राप्त छुटको परिचय पत्र सहित सदस्यता परिचय पत्र देखाउनु पर्ने बताए । संघको सदस्यता नवीकरण भएको हुनुपर्ने उनले थपे ।
केसीका अनुसार ओ.पि.डि. टिकट, सीटी स्क्यान र ईम्प्लान्ट बाहेकका अन्य सम्पूर्ण सेवामा १५ प्रतिशत छुट पाउने छन् ।
सम्झौता पत्रमा संघका वरिष्ठ उपाध्यक्ष सुमनकुमार श्रेष्ठ र नारायणी सामुदायिक हस्पिटलका प्रशासकीय अधिकृत अरुण लम्सालले हस्ताक्षर गरेका थिए ।