मौन अवधिमा मदिरा बिक्रीवितरण नगर्न प्रशासनको आग्रह

चितवन / जिल्ला प्रशासन कार्यालय चितवनले मौन अवधिमा मदिरा बिक्रीवितरणमा रोक लगाएको छ । प्रशासनले एक सूचना जारी गर्दै आगामी मंसिर ४ गते हुन गइरहेको निर्वाचनलाई लक्षित गरी रोक लगाएको हो । निर्वाचनको मौन अवधि सुरू भएपछि निर्वाचन सम्पन्न नहुन्जेल मदिरा बिक्रीवितरण नगर्न प्रकाशनले आग्रह गरेको छ ।
निर्वाचनको समयमा होटल व्यवसायहरु राति अबेरसम्म खुल्ला रहँदा शान्तिपूर्ण, स्वच्छ र निष्पक्ष निर्वाचन सम्पन्न गर्नमा असर पर्ने हुँदा होटल व्यवसाय कात्तिक २१ गतेदेखि मौन अवधि सुरू हुने दिनसम्म राति नौ बजेसम्म मात्र सञ्चालन गर्न प्रशासनले आग्रह गरेको छ । प्रशासनले नियम उल्लङ्घन गरेमा कारबाही हुनेसमेत चेतावनी दिएको छ ।