ईन्टरनेटको अफिसमा आगलागी, तीन लाख बराबरको क्षति

मकवानपुर / मकवानपुरको एक इन्टरनेट अफिसमा आगलागी हुँदा तीन लाख बराबरको क्षति भएको छ । मकवानपुरको बकैया गाउँपालिका वडा नम्वर ३ हात्तिसुडेस्थित वएब सफर ईन्टरनेटको अफिसमा बिहीबार आगलागी भएको जिल्ला प्रहरी कार्यालय मकवानपुरले जनाएको छ ।
कार्यालयका अनुसार हात्तिसुडेस्थित सोमबहादुर न्यासुरको घर भाडामा लिई जयराम खतिवडाले संचालन गरेको उक्त अफिसमा ब्याट्री सट भई आगलागी भएको हो ।
आगलागीबाट ब्याट्री, अफिस कोठाको सामानसहित २ लाख ५८ हजार रुपैयाँ बराबरको क्षति भएको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए । उनका अनुसार, उक्त आगो प्रहरी नायव निरीक्षक दमन तामाङको कमाण्डमा टोलीको प्रहरी टोली र स्थानीयको सहयोगमा नियन्त्रण गरिएको हो ।