गंगटे जंगलमा एक जना मृत फेला

मकवानपुर / मकवानपुरको भीमफेदी गाउँपालिका वडा नम्वर ८ ईपास्थित गंगटे जंगलमा एक जना शव फेला परेको छ । उक्त शव हेटौंडा उपमहानगरपालिका वडा नम्वर ८ कमाने बस्ने २४ वर्षीय कृष्ण मोक्तानको रहेको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए ।
प्रहरी नायव उपरीक्षक कार्कीका अनुसार, गंगटे जंगलमा अन्दाजी ५०० मिटर तल खोल्सामा मोक्तानको शव भेटिएको हो । प्राप्त सुचनाको आधारमा प्रहरी निरीक्षकको कमाण्डमा टोली खटी साँझ साढे ५ बजेको समय घटनास्थल पुगेको थियो ।
मोक्तानको अवस्था हेर्दा भिरबाट लडी मृत्यु भएको जस्तो देखिएको भएपनि घटनाको बारेमा पोष्टमार्टमको रिपोर्ट आएपछि मात्रै थाहा हुने प्रहरीले जनाएको छ ।