सञ्चारकर्मी विश्वकर्माको दुर्घटनामा परी निधन

चितवन / सञ्चारकर्मी महाविर विश्वकर्माको माइक्रोबस दुर्घटनामा परी मृत्यु भएको छ । राप्ती नगरपालिका–६ हर्दीमा आज (मंगलबार) बिहान साढे ५ बजे माइक्रो बस दुर्घटनामा विश्वकर्माको मृत्यु भएको हो ।
राप्ती नगरपालिका–४ सुन्दरबस्ती निवासी विश्वकर्मा घरबाट काठमाडौं जाने क्रममा माइक्रोबस दुर्घटनामा परेका हुन् । विश्वकर्मा आफू सवार बा४ख ४१२ नम्वरको माइक्रोबस दुर्घटनामा च्यापिएका हुन् भने उनलाई झण्डै २ घण्टापछि उद्धार गरिएको थियो ।
बिग्रेर रोकिराखेको ना२ख ८५२२ नम्वरको ट्रकमा माइक्रो ठोक्किएको थियो भने उनको घटनास्थलमै मृत्यु भएको प्रहरीले जनाएको छ । उक्त दुर्घटनामा अन्य पाँच जना घाइते भएका छन् ।
पछिल्लो समय काठमाडौं बस्दै आएका उनी निर्वाचनमा मतदान गर्न चितवन आएको उनका भाई भुवन विकले जानकारी दिए । उनीले लामो समय चितवनको रेडियो चितवन र कालिका एफएममा काम गरेका थिए ।
उनीद्वारा सञ्चालित कार्यक्रम बहकिने मन देशभर चर्चित छ । देशका एक सय बढी एफएम रेडियोमा उनको कार्यक्रम प्रशारण हुने गथ्र्यो । विश्वकर्मा पत्रकार महासंघ चितवनको पूर्व सदस्य र प्रेस चौतारी चितवनको पूर्व कार्यसमिति सदस्य हुनुहुन्यो ।