गुल्मीमा जिप दुर्घटना : पाँच जनाको मृत्यु

गुल्मी / गुल्मीमा जिप दुर्घटना हुँदा ५ जनाको मृत्यु भएको छ । जिल्लाको सत्यवती गाउँपालिका–३ ठुलोलुम्पेकबाट कुतडाँडा जाँदै गरेको ५३४० नम्वरको डबल क्याप जिप कुढडाँडामा मंगलबार राति करिब २ बजे दुर्घटना हुँदा ५ जनाको मृत्यु भएको प्रहरीले जनाएको छ ।
प्रहरीका अनुसार, दुर्घटनामा परेर चार जनाको घटनास्थलमै र एक जनाको उपचार गर्न पाल्पा पठाएकोमा बाटोमै मृत्यु भएको हो । मृत्यु हुनेहरुमा सत्यवती गाउँपालिका–का जीप धनी ५१ वर्षका झलक सोमै, ५५ वर्षका टीका राहडी, ४७ वर्षका रनबहादुर सिंजापती, वर्ष २५ का मिलन तरामु रहेका जिल्ला ट्राफिक प्रहरी कार्यालय गुल्मीले जनाएको छ ।