सिमलतालमा माईक्रोबस दुर्घटना, ६ यात्रु घाइते

चितवन / भरतपुर महानगरपालिका वडा नम्बर २९ सिमलतालमा माइक्रोबस अनियन्त्रित भई दुर्घटनामा परेको छ । माइक्रोबस अनियन्त्रित भई नालीमा खस्दा ६ जना यात्रु घाइते भएको जिल्ला प्रहरी कार्यालय चितवनले जनाएको छ ।
चितवनका प्रहरी प्रवक्ता विजयराज पण्डितका अनुसार घाइते हुनेहरुमा रत्ननगर नगरपालिका डा नम्बर १४ का चालक भिम श्रेष्ठ, माडी नगरपालिका वडा नम्बर १ को सोविन्द्र महत्तो, भरतपुर महानगरपालिका वडा नम्बर २ की सिताकुमारी सुनार, वडा नम्बर १६ का रोसन भुजेल, वडा नम्बर २१ की पूजा श्रेष्ठ र वडा नम्बर ११ का तिरु सुनार रहेका छन् ।
उक्त बा२ख २८२९ नम्बरको माइक्रोबस आज (बुधबार) बिहान ६ बजेर ५० मिनेटमा नारायणगढबाट मुग्लिङतर्फ आउदै गर्दा दुर्घटनामा परेको हो । दुर्घटनामा परी माईक्रोबस भित्तामा ठोक्किएको हो ।
घाइते ६ जनालाई उपचारको लागि चितवन मेडिकल कलेज पठाइएको छ भने माईक्रोबसमा १७ जना सवार थिए ।