सरकारमा टुंगो : एकीकृत समाजवादीको बैठक आज

काठमाडौं / नेकपा एकीकृत समाजवादी पार्टीको स्थायी समिति बैठक आज (शनिबार) बस्दैछ । सरकारमा सहभागिताको बारेमा टुङ्गो लगाउन समाजवादीको बैठक बस्न लागेको हो । बैठक पार्टीका अध्यक्ष माधवकुमार नेपालको अध्यक्षतामा आलोकनगरस्थित केन्द्रीय कार्यालयमा बस्ने भएको हो ।
बैठकले निर्वाचनमा पार्टीले प्राप्त गरेको परिणामको समीक्षा, पछिल्लो पटक विकास भएको राजनीतिक घटनाक्रममा पार्टीले निर्वाह गर्ने भूमिका, आगामी दिनका लागि रणनीति तथा कार्ययोजना, पार्टीले सरकारमा सहभागी नभए पनि सरकारलाई समर्थन गर्नेबारे निर्णय लिने केन्द्रीय प्रचार विभाग प्रमुख जगन्नाथ खतिवडाले जानकारी दिए ।