हात्तीको आक्रमणबाट तीन महिला घाइते

चितवन / खैरहनी नगरपालिकास्थित हर्नरीमा जंगली हात्तीको आक्रमणबाट तीन जना घाइते भएका छन् । चितवन राष्ट्रिय निकुञ्जको सौराहा क्षेत्रमा काम गर्न जाने क्रममा आइतबार बिहान करिब ७ बजे तीन जना महिलालाई हात्तीले आक्रमण गरेको हो ।
हात्तीको आक्रमणबाट तारा आले, निसा चौधरी र राधा चौधरी घाइते भएका स्थानीय संचारकर्मी संजय दुवाडीले बताए । घाइते तीनैजनालाई उपचारको लागि भरतपुर पठाइएको छ ।
खैरहनी–१३ का वडा अध्यक्ष कुलप्रसाद भुसालका अनुसार जंगलको सिमाना जोडिएको इलाफेन्ट केयर नेपाल नजिक जंगली हात्तीले उनीहरुलाई आक्रमण गरेको हो । केहिदिन देखि उक्त हात्तीले खैरहनी १२ र १३ मा आतंक फैलाउंदै आएको छ ।