सालको काठसहित तीनजना पक्राउ

गैँडाकोट / नवलपुरको गैँडाकोटबाट २५ क्युफिट अवैध सालको काठसहित तीनजना पक्राउ परेका छन् । पक्राउ पर्नेमा गैँडाकोट ४ का ३२ वर्षका राजु परियार, तनहुँ रिसिङ गाँउपालिका वडा नं. ६ का ३५ वर्षका रविन रानाभाट र बुलिङटार गाउँपालिका वडा नं. १ का ३६वर्षका प्रेम कुमार मगर रहेको नवलपुर प्रहरीले जनाएको छ ।
गैंडाकोट नगरपालिका वडा नं. ४ झपर्दी स्थित सिता रानाभाटको घरको आँगनमा त्रिपालले छोपेर राखेको अवस्थामा काठ सहित उनीहरु पक्राउ परेका हुन् । काठ ओसारपसारमा सहभागी उनीहरुलाई आवश्यक कारबाहीको लागि सव डिभिजन वन कार्यालय गैंडाकोटमा पठाइएको प्रहरीले जनाएको छ ।