चितवनमा पासपोर्टका लागि दैनिक १ सय २० जनाले सेवा पाउने

चितवन / जिल्ला प्रशासन कार्यालय चितवनमा केही दिन अघि मात्र सरुवा भई आउनु भएका प्रमुख जिल्ला अधिकारी सुरेन्द्र पौडेलले राष्ट्रिय परिचय पत्र र राहदानी वितरण सहज बनाउने बताए । प्रजिअ पौडेलले पत्रकारसंँगको परिचयात्मक तथा अन्र्तक्रिया कार्यक्रममा बुधबारदेखि नै वितरण प्रणाली केही सहज भएको बताएका हुन् ।
उनले चितवनमा पासपोर्ट बनाउनका लागि अनलाइन मार्फत ३ हजार जनाको फारम भर्ने व्यवस्था मिलाइएको जानकारी गराए । पासपोर्टका लागि दैनिक १ सय २० जनाले सेवा लिन सक्ने उनको भनाइ छ । सेवाग्राहीहरुको चापलाई मध्यनजर गर्दै छिटो छरितो सेवा प्रवाह गर्न निर्देशन समेत दिएको बताए ।
उनले अनुगमन र हैरानीभन्दा पनि शुसासनको प्रणाली स्थापना गर्नेतर्फ बढी ध्यान केन्द्रित गरिने बताए । प्रजिअ पौडेल विगत २८ वर्षदेखि गृह मन्त्रालय अन्तरगत विभिन्न भुमिकामा रहेर काम गर्दै आएका हुन् । पौडेल धनुषाको सिडियोबाट सरुवा भई चितवन आएका हुन् ।
कार्यक्रममा सहायक प्रमुख जिल्ला अधिकारीद्वय चिरञ्जीवी शर्मा र राजु पौडेल तथा पत्रकारहरुको सहभागिता थियो ।