मकवानपुर / हेटौंडामा तामाङ कथानक चलचित्र ‘नाना आङा’ को ‘प्रिमियर शो’ हुने भएको छ । आगामी चैत्र महिनाको दोस्रो सातादेखिमा प्रदर्शन हुने उक्त चलचित्र निर्माण पक्षले आईतबार हेटौंडामा पत्रकार सम्मेलन आयोजना गरी प्रिमियर शो को जानकारी गराएको हो ।
जिम्बा फिलिम्स प्रोडक्सनको १२ औं प्रस्तुतीमा निर्माण भएको चलचित्रलाई निमा लामा तामाङले निर्देशन र जय स्याङतानको कथा लेखनमा तयार भएको हो । चलचित्रमा ‘दिदिबहिनी’ को मुख्य भूमिकामा आधारित रहेको चलचित्र प्रदर्शनका लागि सबै व्यवस्थापकीय तयारी पूरा भएको निर्देशक लामाले बताए ।
चलचित्रमा दिदिको भूमिका नायिका करिशा वाईबा र बहिनीको भुमिकामा कल्पना वाईबाले गरेका छन् भने नायकहरु जय स्याङतान र सिताराम गोले रहेका छन् । चलचित्र मनाङ, काठमाडौ, हेटौंडाको विभिन्न क्षेत्रमा सुटिङ् गरिएको र अन्य नेपाली चलचित्र भन्दा कम नभएको निर्देशक बताए । उनका अनुसार, चलचित्र हेटौंडा, काठमाडौं, सर्लाहीलगायत १२ वटा भन्दाबढी हलमा एकैसाथ प्रदर्शन हुनेछ ।
उक्त चलचित्रमा गायककहरु विशाल काल्तान, जितु लोप्चन र गायिकाहरु सुभा तामाङ् , निर्मला घिसिङ् र शसिकला मोक्तानको स्वर रहेको छ । त्यसैगरी, चलचित्रमा सुनिल लोप्चन, जगत मोक्तान, माया घलान, पुजा लामा, सिताराम गोले, च्याङ्बा गोङ्बा, राजेन्द्र गौतम, सुनलाल वाईबा, राजकुमार स्याङतान, निर्मला पाख्रीन, शमिर थिङ् र रमा मोक्तान लगायत थुप्रै कलाकारहरुको अभिनय रहेका छन् ।
