भरतपुर ३ मा महिला हिंसा तथा आत्मा रक्षा कला तालिम

भरतपुर / भरतपुर महानगरपालिका वडा ३ को आयोजनामा ३ दिने महिला हिसा तथा आत्मा रक्षा कला तालिम सम्पन्न भएको छ । महिलाहरुलाई नैतिकवान र चरित्रवान बनाउने उद्देश्यका साथ तालिम आयोजना गरिएको हो ।
कार्यक्रममा बोल्दै नगर उप प्रमुख चित्रसेन अधिकारीले महिलाहरु अब समाजमा एक्लै लड्न सक्ने गरि साहसी भएको बताए । भरतपुर ३ का महिलाहरुले आफुलाई परिआएमा आफ्नो प्रतिरक्षा आफै गर्न सक्ने भएको उपप्रमुख अधिकारीको भनाइ थियो ।
उनले भरतपुर ३ महानगरकै पहिलो महिला हिंसा तथा आत्मा रक्षा कला मुक्त भएको समेत उल्लेख गरे । तालिमले महिलाहरुमा आत्म विश्वास बढाउनुको साथै समाजमा सामाजिक कार्य गर्नमा पनि थप प्रेरित गर्ने उनले भने ।
भरतपुर महानगर वडा ३ का अध्यक्ष विकास थापाले आगामी दिनहरुमा पनि यस्ता आत्मरक्षा लगायतका कार्यक्रमहरु गर्दै जाने बताए । कार्यक्रमले महिलाहरुको आत्मबल बढेको र समाज रुपान्तरणमा महत्वपूर्ण भूमिका खेल्ने उनले जिकिर गरे ।
तालिममा २२ वटा टोल र ११ वटा आमा समूहबाट छनौट आएका १५० जना भन्दा बढी महिलाहरुको सहभागिता रहेको थियोे । कार्यक्रममा नगर कार्यपालिका सदस्य सुकमाया परियार, वडा सदस्य कमला देवी बोलखे, रामबहादुर लोहनी, माधब अर्याल, सहभागीहरुको तर्फबाट फुलमाया थापा मगर लगायतले मन्तव्य दिएका थिए ।