नारायणगढबाट अबैध ४० थान मोवाईलसहित सञ्चालक पक्राउ

चितवन / चितवन प्रहरीले नारायणगढको इन्द्रदेव मार्गस्थित एमथ्री मोबाइल हाउसमा छापा मारेको छ । बुधबार साँझ ७ बजे पसलको खानतलासी गर्दा अवैध ४० थान मोबाइल सेटसहित संचालकलाई पक्राउ परेको जिल्ला प्रहरी कार्यालय चितवनले जनाएको छ ।
प्रहरीका अनुसार भरतपुर महानगरपालिका–६ बस्ने एमथ्रीका मोबाइलका सञ्चालक ३५ वर्षीय दिपेन्द्र खड्कालाई पक्राउ गरेको हो । अवैध मोबाइल सेटहरु बिक्री वितरण तथा भण्डारण भइरहेको भन्ने सूचनाको आधारमा खानतलासी गरिएको हो ।
उक्त पसलबाट आइफोन, सामसुङ र रियलमी लगायत विभिन्न ब्राण्डका अवैध मोबाइल बरामद गरिएको चितवनका प्रहरी प्रवक्ता विजयराज पण्डितले जानकारी दिए । पक्राउ परेको खड्कालाई आवश्यक कारबाहीका लागि बिहीवार राजस्व अनुसन्धान कार्यालय पथलैया बारा पठाइएको बताए ।