चितवन लगायत देशैभर मगर एकता दिवस मनाइदै

चितवन / चितवन लगायत देशैभर ४१औं मगर संघ स्थापना एवम् मगर एकता दिवस मनाउँदैछ । मगर समुदायले २०३९ सालदेखि फागुन १५ गतेका दिन मनाउँदै आएको मगर दिवस नारायणी नदी किनारमा मनाउन लागेको नेपाल मगर संघ चितवनले जनाएको छ ।
देशभर समग्रमा तेस्रो ठूलो जनसंख्या भएको मगर समुदायले एकता दिवसको अवसरमा विभिन्न कार्यक्रम गरी मनाइने भएको हो । उक्त दिवसको अवसरमा मगर बाहुल्य केही पालिकाहरुले सार्वजनिक विदा पनि दिएका छन् ।
मगरहरुले स्थापना दिवस परम्परागत भेषभुषासहितको र्याली प्रदर्शनी तथा सोरठी, कौडा, सालैजो र घाटु नाचसहित मनाइने गर्दछ ।
मगर समुदायले फागुन १५ गते सार्वजनिक विदा दिनुपर्ने, नेपालका प्रथम शहीद भनिने लखन थापालाई राष्ट्रिय विभूति घोषणा गर्नुपर्ने लगायतका माग राख्दै आएका छन् ।