भरतपुर १६ टिकलधारा चोकमा कार र भ्यान दुर्घटना

चितवन / भरतपुर वडा नं. १६ टिकलधारा चोकमा कार र म्याजिक भ्यान अनियन्त्रित भई एक आपस ठोक्किएको छ । आज (शुक्रबार) बिहान करिब १० बजे कार र म्याजिक भ्यान अनियन्त्रित भई एक आपस ठक्कर खाएको शरणपुर प्रहरी चौकीका असई रामदिनेश महतोले जानकारी दिए ।
असई महतोका अनुसार फुर्तिचोकबाट आइरहेको प्रदेश ३–०१–०२४च १९८९ नं. को कारसँग बा२१च ४१२१ नं. को म्याजिक भ्यानसँग ठक्कर खाएको हो । उक्त दुर्घटनामा कुनै पनि मानवीय क्षति नभएको बताइएको छ ।
उक्त दुर्घटनामा कारको अगाडिको भाग पूर्ण रुपमा क्षति भएको र भ्यानको बायाँ भाग कुच्चिएको असई महतोले बताए । दुबै सवारी साधनलाई नियन्त्रणमा लिइएको र आवश्यक बिमा प्रक्रिया अगाडि बढाइने उनले बताए ।
घटनाको प्रकृति हेर्दा कारले भ्यानलाई ठक्कर दिएको र म्याजिक भ्यानले ब्रेक लगाउँदा ठक्कर खाएको स्थानीयको भनाइ छ । उक्त स्थानमा दुर्घटना भइरहने स्थानीयहरु बताउँछन् ।