राष्ट्रिय जनगणना : तेश्रो स्थानमा भरतपुर महानगरपालिका

चितवन / नेपालको अधिराज्यभरको नगरपालिकाहरु मध्ये भरतपुर महानगरपालिका धेरै जनसंख्या हुने तेश्रो स्थानमा रहेको छ । राष्ट्रिय जनगणना २०७८ को अन्तिम नतिजा सार्वजनिक भए अनुसार तेश्रो स्थानमा परेको हो ।
राष्ट्रिय जनगणनाको तथ्यांक अनुसार पहिलो स्थानमा रहेको काठमाडौँ महानगरपालिकामा ८ लाख ६२ हजार ४०० जनसंख्या रहेको छ । दोस्रो स्थानमा पोखरा महानगरपालिका रहेको छ । जहाँको जनसंख्या ५ लाख १३ हजार ५०४ रहेको छ ।
तेश्रो स्थान भरतपुर महानगरपालिकामा कुल जनसंख्या ३ लाख ६९ २६८ रहेको छ । भरतपुरमा कुल परिवार संख्या ९६ हजार ५९१ रहेको छ । भरतपुरको जनसंख्यामा पुरुष १ लाख ७८ हजार ८९७ रहेको छ भने महिला १ लाख ९० हजार ३७१ रहेको छ ।
यस्तै ललितपुर महानगरपालिका जनसंख्याको हिसाबले चौथो स्थानमा रहेको छ । यहाँ २ लाख ९४ हजार ९८ जनसंख्या रहेको छ । पाँचौं स्थानमा भारतसंग जोडिएको वीरगञ्ज महानगरपालिका रहेको छ ।
यहाँ २ लाख ७२ हजार ३८२ जनसंख्या रहेको छ । यस्तै सबैभन्दा कम जनसंख्या भएको नगरपालिकामा क्रमशः डोल्पाको ठुली भेरी नगरपालिका, डोल्पाकै त्रिपुरासुन्दरी नगरपालिका, संखुवासभाको मादी नगरपालिका, तेह्रथुमको लालिगुराँस नगरपालिका र संखुवासभाको धर्मदेवी नगरपालिका रहेका छन् ।