चितवन / प्रतिनिधि सभा सदस्य उपनिर्वाचनको चितवन क्षेत्र नम्बर २ मा राष्ट्रिय स्वतन्त्र पार्टीका सभापति तथा उमेदवार रवि लामिछानेको जित पक्का भएको छ । लामिछानेले निकटतम प्रतिस्पर्धीभन्दा मंगलबार बिहानसम्म करिब ३३ हजार मतान्तरले अघि रहेका छन् ।
निर्वाचन आयोगका अनुसार ५६ हजार ५ सय ७ मत गणना हुँदा लामिछानेले ४० हजार ६९ मत पाएका छन् भने उनका निटकटम प्रतिस्पर्धी नेपाली कांग्रेसका जितनारायण श्रेष्ठको मत ७४५७ छ । प्राप्त मत परिणाम अनुसार अहिलेसम्म उनीहरू बीचको मतान्तर ३२६१२ रहेको छ ।
चितवन–२ मा आइतबार भएको निर्वाचनमा ७८२७७ मत खसेको थियो । अब गन्न बाँकी मत झण्डै २२ हजार मात्र छ । अहिलेलै लामिछानेले प्रतिस्पर्धीसँग ३२ हजारको मतान्तर कायम गरेकाले उनको जित सुनिश्चित भएको हो ।
यसअघिको प्रतिनिधि सभा सदस्य निर्वाचनमा लामिछानेले निकटम प्रतिस्पधीलाई ३४ हजार बढी मतले हराएका थिए । हालको गणना गर्न मत हेर्ने हो अघिल्लो मतभन्दा उछिन्ने पक्कापक्की जस्तै देखिन्छ ।
- ADVERTISEMENT -
