अवैध ५४ तोला सुन र साढे ७ लाख भारुसहित दुई पक्राउ

विराटनगर / विराटनगरबाट अवैध ५४ तोला सुन र साढे सात लाख भारतीय रुपैयाँसहित प्रहरीले दुई जनालाई पक्राउ गरेको छ । को २ च १४९५ नम्बरको कारमा भारत लैजाने प्रयास गर्दा उनीहरूलाई शुक्रबार साँझ पक्राउ गरेको प्रहरीले जनाएको छ ।
पक्राउ पर्नेमा भारतीय नागरिक विनोद मुरारका र उनकी श्रीमती पुष्पा मुरारका रहेका छन् । विनोद मुरारका विराटनगरको केएल दुगर समूहका लेखापाल हुन् । पुष्पा भने नेपाली नागरिक हुन् ।
उनीहरूको साथबाट ८ किलो चाँदी पनि बरामद भएको छ । बरामद सुन र चाँदीको मूल्य ९० लाख बराबरको रहेको छ ।