टिपरको ठक्करबाट एक जनाको मृत्यु

विराटनगर / मोरङको ग्रामथान गाउँपालिका वडा नम्वर ६ नेताचोकमा बुधबार टिपरको ठक्करबाट एक जनाको मृत्यु भएको छ । बा.प्र. ०३–००१ ख ७४०२ नम्बरको टिपरको ठक्करबाट एक जनाको मृत्यु भएको हो ।
मृत्यु हुनेमा उदयपुरको त्रिवेणी नगरपालिका ६ का ४५ वर्षीया चन्द्रकान्त काफ्ले रहेका छन् । टिपरको ठक्करबाट उनको घटनास्थलमै मृत्यु भएको प्रहरीले जनाएको छ ।
प्रहरीका अनुसार, विराटचोकबाट विराटनगरतर्फ आउँदै स्कुटीलाई सोही दिशातर्फ गइरहेको टिपरले ठक्कर दिएको थियो । मृतक काफ्ले स्कुटर चालक हुन् ।
ठक्कर दिने टिपर चालक फरार रहेका छन् । उनको खोजी कार्य तीव्र बनाउनका साथै घटनाको बारेमा आवश्यक अनुसन्धान गरिरहेको जनाइएको छ ।