१८ लाख ठगी आरोपमा एक जना पक्राउ

काठमाडौं / बाग्लुङ नगरपालिका–७ का एकजनालाई ठगी गरेको आरोपमा प्रहरीले पक्राउ गरेको छ । रोमानिया पठाइदिने प्रलोभन देखाई ठगी गरेको आरोपमा एक जना पक्राउ परेको हो ।
पक्राउ पर्नेमा बाग्लुङ नगरपालिका–७ घर भई हाल काठमाडौंको टोखा नगरपालिका ९ जाल्पाचोक बस्ने ३४ वर्षीय विशाल विश्वकर्मा रहेका छन् ।
उनलाई काठमाडौं अपराध अनुसन्धान कार्यालयको विशेष टोलीले काठमाडौंको लाजिम्पाटबाट पक्राउ गरेको हो । पक्राउ परेका उनलाई थप अनुसन्धान तथा कारबाहीका लागि वैदेशिक रोजगार विभाग बुद्धनगर पठाइएको प्रहरीले जनाएको छ ।
उनीमाथि डिलबहादुर विश्वकर्मासहित ८ जनालाई वैदेशिक रोजगारीका लागि रोमानिया पठाइदिन्छु भन्दै पीडितबाट प्रतिव्यक्ति ५ लाख ५० हजारका दरले १८ लाख रकम लिएर सम्पर्कविहीन भएको आरोप छ ।