राप्रपा नेपालको आज विरोध प्रदर्शन

काठमाडौं / कमल थापा नेतृत्वको राष्ट्रिय प्रजातन्त्र पार्टी (राप्रपा) नेपालको जनवर्गीय संगठनहरुले संयुक्त रुपमा आज (शुक्रबार) काठमाडौंमा विरोध प्रदर्शन गर्ने भएको छ ।
नागरिकता विधेयक, संघीयताको खारेजी र हिन्दराष्ट्रको माग राखेर विरोध प्रदर्शन गर्ने भएको पार्टीका महामन्त्री राजाराम बर्तौलाले जानकारी दिए ।
भोलि शुक्रबार दिउँसो २ बजे बबलमहलमा भेला भएर जुलुस प्रदर्शन गर्दै नयाँ बानेश्वर पुगेर कोणसभामा परिणत हुने कार्यक्रम तय भएको पार्टीका महामन्त्री बर्तौलाले बताए ।
कोणसभालाई पार्टी अध्यक्ष थापाले सम्बोधन गर्ने कार्यसूची रहेको छ ।