कालिकामा च्याउ विउ ल्याबको शुभारम्भ

चितवन / कालिका नगरपालिका २ चितवन स्थित रेन्स्की एग्रो फार्म प्रा.लि. प्रथम वार्षिकोत्सव मनाएको छ । वार्षिकोत्सवको अवसर पारेर च्याउ विउ ल्याबको उद्घाटन समेत गरिएको छ ।
कालिका नगरपालिका नगर प्रमुख बिनोद रेग्मीले उक्त ल्याबको उद्घाटन गरेका हुन् । उद्घाटनपछि बोल्दै च्याउ प्रबर्द्धन गर्न सके देशको अर्थतन्त्रमा ठूलो टेवा पुग्ने बताए । नगर प्रमुख रेग्मीले कालिका नगरपालिका च्याउको हब बन्ने बिश्वास ब्यक्त गरे ।
कार्यक्रममा सोही वडाका वडाअध्यक्ष लक्ष्मण पोैडेलले च्याउको उत्पादनले स्थानीयस्तरमा रोजगारी सिर्जना गर्ने बताए । वडाध्यक्ष पौडेलले चितवनबाट नै यसको निर्यात देशको विभिन्न क्षेत्रमा गर्न सकिने उनको भनाइ थियो ।
कार्यक्रमको सभापतित्व संस्थाका कार्यकारी कमल सुबेदी रहेका थिए । निकट भबिष्यमा च्याउ ब्यवसायीले अन्यत्रबाट बिउ आयत गर्नु नपर्ने उनले बताए । कार्यक्रममा देशभरिकै च्याउ ब्यबसायीको उपस्थिति थियो ।
डेढ बिगाह क्षेत्रफलमा निर्माण गरिएको उक्त फार्मको वार्षिक उत्पादन करिब २५० मेट्रिक टन पाते च्याउ र सिजनल च्याउ करिब २० मेट्रिक टन उत्पादन गर्दै आइरहेको संस्थाका प्रबन्धक नारायण अधिकारीले बताए ।