काठमाडौं / पोर्चुगलले लगातार दोस्रो जित निकाल्दै युरो कपको अन्तिम १६ मा प्रवेश गरेको छ। दोस्रो जित दर्ता गर्ने क्रममा पोर्चुगलले टर्कीलाई ३–० ले सहजै पराजित गरेको हो । पोर्चुगलका लागि बर्नार्डो सिल्भा र ब्रुनो फर्नान्डेजले १–१ गोल गरे भने १ गोल आत्मघाती गोल भएको थियो।
पोर्चुगललाई २१औं मिनेटमा बर्नार्डो सिल्भाले गोल गर्दै अग्रता दिलाए । नुनो मेंडेसको क्रस टर्किस डिफेन्डरलाई लागेर बक्स भित्रबाट सिल्भाको अघि पुगेपछि उनले गोल गरेका थिए ।
- ADVERTISEMENT -
२८औं मिनेटमा आत्मघाती गोलका रूपमा पोर्चुगलको दोस्रो गोल आएको थियो । टर्किस डिफेन्डर समेत अकायदिनले आफ्नो गोलकिपरलाई दिएको ब्याकपास दुई जनाको तालमेल नमिलेपछि सिधै पोस्टभित्र पुगेको थियो।
पोर्चुगलको तेस्रो गोल ५६औं मिनेटमा गर्यो । जोआओ क्यान्सेलोको थ्रु–पासमा बनेको मौकामा क्रिस्टियानो रोनाल्डोले ब्रुनो फर्नान्डेजका लागि सहज मौका सिर्जना गर्दिएका थिए । फर्नान्डेजले सहजै गोल गर्न सफल रहे।
जितपछि समूह एफमा पोर्चुगलको २ खेलमा ६ अंक भएको छ। टर्कीको २ खेलमा ३ अंक छ भने जर्जिया र चेकियाको १(१ अंक छ । समूह चरणका अन्तिम खेलमा पोर्चुगलले जर्जिया र टर्कीले चेकियाको सामना गर्नेछन् । गए (शनिबार) राति नै भएको अर्को खेलमा बेल्जियमले रोमानियालाई २–० ले पराजित गरेको छ ।
समूह ई मा रहेका यी दुई टोलीको समान २–२ अंकका साथ पहिलो र दोस्रो स्थानमा छन् ।
