चितवन / मनकामना केबुलकार आज (आइतबार)देखि ५० दिनका लागि बन्द हुने भएको छ।
मनकामना दर्शन प्रालिका नायब महाप्रबन्धक उज्ज्वल शेरचनका अनुसार मर्मत संभार र स्तरोन्नतीका लागि झण्डै दुई महिना बन्द गर्न लागिएको हो ।
- ADVERTISEMENT -
‘नियमित मर्मतसम्भार गर्नुपर्ने भएकाले आज (असार ३१ गते देखि आगामी भदौ २० गतेसम्म) देखि केबुलकार बन्द गर्न लागिएको हो,’ शेरचनले भने।
सेवा बन्द गरेर केबुलकारको डिजिटल प्रणाली स्तरोन्नति र मुख्य केबुल तार (लट्ठा) समेत फेर्ने तयारी भएको उनले बताए । मनकामना केबुलकार प्रालिले एक महिनाअगाडि नै सूचना निकालेर यात्रुलाई सेवा बन्द हुने विषयमा जानकारी गराएको थियो ।
