काठमाडौं / देशका विभिन्न स्थानमा गत जेठ २८ गतेदेखि आएको बाढी, पहिरोलगायतका विपद्को घटनामा परी १ सय ५३ जनाको मृत्यु भएको छ ।
बाढी, पहिरो लगायतका विपद्को घटनामा परी आइतबार दिउँसोसम्म कोशी प्रदेशमा २५ जना, मधेश प्रदेशमा ६ जना, बागमती प्रदेशमा ३५ जना, गण्डकी प्रदेशमा ४३ जना, लुम्बिनी प्रदेशमा २९ जना, कर्णाली प्रदेशमा ८ जना र सुदूरपश्चिम प्रदेशमा १० जना गरी जम्मा १ सय ५३ जनाको मृत्यु भएको प्रहरीले जनाएको छ ।
- ADVERTISEMENT -
यस्तै, सो अवधिमा विपद्को घटनामा परेर १ सय ७७ जना घाइते भएका छन् भने ४७ जना बेपत्ता भएका छन् । प्रहरीले घाइतेहरूलाई उपचारको लागि स्थानीय अस्पताल लगिएको र बेपत्ताको खोजीकार्य जारी राखिएको जनाएको छ ।
