काठमाडौं / ठमेलको ज्याठास्थित एक होटलबाट कोकिनसहित एक विदेशी नागरिक पक्राउ परेको छ । लागु औषध नियन्त्रण ब्यूरोको टोलीले ३ भदौमा १ किलो ८८ ग्राम कोकिनसहित पक्राउ गरेको हो ।
ब्युरोका डीएसपी प्रेमबहादुर शाहीका अनुसार पक्राउ पर्नेमा आइभरीकोस्टक ३५ वर्षीय नागरिक वारामा कोन हुन् । इथियोपियाबाट दोहा कतार एअरवेयमार्फत् उनी काठमाडौं आएका थिए । उनले उक्त कोकिन निलेर काठमाडौं ल्याएको पाइएको बताए ।
- ADVERTISEMENT -
निलेको कोकिन काठमाडौं आएपछि मलद्वारबाट निकाले बच्चाको खेलौना (डल)मा लुकाएर राखेको अवस्थामा ब्यूरोको टोलीले बरामद गरेको हो । बरामद कोकिनको बजार मूल्य ३ करोड ८० लाख बराबर हुन्छ ।
