काठमाडौं / नेपाल २० वर्षभन्दा कम उमेर समूहको साफ च्याम्पियनसिप प्रतियोगिताको फाइनलमा प्रवेश गरेको छ ।
आइतबारको खेलमा भुटानलाई पराजित गर्दै नेपालले फाइनलमा आफ्नो स्थान बनाएको हो ।
- ADVERTISEMENT -
लतिपुरको सातदोबाटोमा रहेको एन्फा कम्प्लेक्सको मैदानमा सम्पन्न सेमिफाइनल खेलमा नेपालले भुटानलाई पेनाल्टी शुटआउटमा ४–१ ले पराजित गरेको हो ।
निर्धारित ९० मिनेटको समयमा १–१ गोलको बराबरी बनाएपछि खेल पेनाल्टी शुटआउटमा पुगेको हो ।
उक्त प्रतियोगिताको दोस्रो सेमिफाइनलमा आज (सोमबार) हुँदैछ । उक्त प्रतियोगितामा भारत र बङ्गलादेशबीच प्रतिस्पर्धा हुनेछ ।
फाइनल खेल भने आगामी बुधबार त्रिपुरेश्वरको दशरथ रङ्गशालामा हुने जनाइएको छ ।
