चितवन / सेन्ट्रल ग्रुपले बिश्वका विभिन्न देशमा व्यवसायीक प्रबद्र्धनका लागि विभिन्न देशमा कार्यक्रम गर्ने भएको छ । ग्रुपले विभिन्न देशमा व्यवसायीक प्रबद्र्धनका लागि चार महिने यात्रा सुरु गर्ने भएको छ ।
कलेजका प्रिन्सिपल यज्ञ विलास (वाइबी) पौडेल व्यवसायिक प्रबद्र्धनका लागि मंगलबार युके प्रस्थान गर्नुभएको छ । उनले युकेसंगै जापान, अष्ट्रेलिया, अमेरिका, क्यानडा, साउथ कोरिया र युरोपका विभिन्न देशमा चार महिना व्यवसायिक प्रबद्र्धनको कार्यक्रम रहेको छ ।
- ADVERTISEMENT -
‘विश्वका विकसित देशहरुमा रहेका कलेज युनिभर्सिटीसंग छलफल र सहकार्यका बिषयमा कार्यक्रम आयोजना हुनेछ, उनले भने, ‘यसले कलेजलाई थप विश्वासिलो र भरपर्दो बनाउन सहयोग पुर्याउनेछ ।’
सेन्ट्रल कलेजले उच्च शिक्षा अध्ययनका लागि जापान, अष्ट्रेलिया, युके, युएसए, क्यानडा, दक्षिण कोरिया, लगायतका देशमा जान चाहाने विद्यार्थीलाई शैक्षिक परामर्श, भाषा कक्षा, भिसा प्रोसेसिङ र तालिमका कक्षाहरु संचालन गर्दै आइरहेको छ ।
मुख्य कार्यालय चितवनको भरतपुर ओरालोमा रही विभिन्न देशमा सम्पर्क कार्यालय रहेको कलेजले चितवन, नवलपुर, तनहुँ लगायतका जिल्लामा खेलकुद क्षेत्रको विकाससंगै सामाजिक काम समेत गर्दै आइरहेको छ ।
ग्रुपले सेन्ट्रल मोडेल कलेज मार्फत त्रिभुवन विश्वविद्यालयको व्याचलर प्रोग्राम अन्तर्गत बिएचएम र बिआइएमका कक्षा संचालन गरिरहेको छ ।
