चितवन / कुमाल गुठी समाजले कुमाल गुठीका संस्थापक अध्यक्ष लोकबहादुर कुमाल, जनप्रतिनिधि सागर कुमालसहित ३२ जनालाई सम्मान गरेको छ ।
भरतपुर महानगरपालिका वडा नं.११, लामाटोलस्थित गुठीको पूजास्थलमा शनिबार सम्पन्न वार्षिकोत्सव, गुठी पूजा तथा सम्मान कार्यक्रममा उनीहरुलाई सम्मान गरिएको हो । कुमाल जातिको कूलमा जन्मिएर विभिन्न समयमा समाजप्रति गरेको मह¤वपूर्ण योगदानको मूल्याङ्कन गर्दै वार्षिकोत्सव एवम् गुठी पूजाको अवसर पारेर सम्मान गरिएको गुठीका वर्तमान अध्यक्ष बाबुकृष्ण कुमालले जानकारी दिए ।
- ADVERTISEMENT -
‘कुमाल जातिबाट राजनैतिक, आर्थिक, शैक्षिक, सामाजिक, व्यावसायिक हरेक क्षेत्रमार्फत समाजमा योगदान दिएका व्यक्तिहरुलाई सम्झिने प्रयास गरेका हौँ,’ उनले भने, ‘गुठीको स्थापना भएपछि हालसम्म विभिन्न क्षेत्रमार्फत समुदायमा पु¥याएको योगदानको मूल्याङ्कनका आधारमा सम्मान गरेका हौँ ।’
सोहीअवसरमा कुमाल बाजा, पाङ्दुरे नाचसहितको सांस्कृतिक कार्यक्रमसमेत सञ्चालन गरिएको थियो । वि.सं.२०४६ सालमा स्थापना भएको गुठीमा हाल ३१८ घरधुरी आवद्ध छन् । गुठीले नै २०६१ सालमा आएर नेपाल कुमाल समाज सुधार समिति गठन गरेपछि हाल कुमाल जातिको छाता संस्थाको रूपमा उक्त संस्थामार्फत काम हुँदै आएको छ ।
