काठमाडौं / सर्वाधिक बेरुजु हुने १० मन्त्रालयहरुलाई संसदको सार्वजनिक लेखा समितिले आगामी दिनमा कार्ययोजना बनाएर लक्ष्य भेट्ने गरी फछ्र्यौयटमा लाग्न निर्देशन दिएको छ ।
शुक्रवार मन्त्रालयका अधिकारीहरुसँग छलफलपछि लेखा समितिले बेरुजु लक्ष्य राखेर कम गर्ने, अब आइन्दा बेरुजु हुन नदिनका लागि बेरुजु फछ्र्यौटलाई विभागीय अधिकारीहरुको कार्यसम्पादनसँग जोड्न समेत भनेको छ ।
- ADVERTISEMENT -
प्रारम्भिक प्रतिवेदनमै लेखा अधिकारीहरुलाई गम्भीर बनाउन समेत मन्त्रालयका अधिकारीहरुलाई भनेको छ ।
विभिन्न कार्यालयमा सरुवा गरेर महालेखा नियन्त्रक कार्यालयले पठाउँदा विगत २ आर्थिक वर्षमा कर्मचारीले गरेको कार्यसम्पादनको अवस्था हेर्न समेत भनेको छ ।
ती कर्मचारीको अबको प्रतिवद्धता के हो रु उनीहरुसँग माग्नुपर्ने समिति सभापति ऋषिकेश पोखरेलले बताए ।
समिति सभापति पोखरेलले भने– ‘विगत २ वर्षमा लेखा कर्मचारीले जहाँजहाँ बसेर काम गर्नुभयो, उहाँको कार्यसम्पादन के हो रु त्यो महालेखा नियन्त्रक कार्यालयले राख्नुपयों । अबको प्रतिबद्धता के हो त्यो पनि मागौं । त्यो सहितको प्रतिवेदन महालेखा नियन्त्रक कार्यालयले एउटा निश्चित समय भित्र प्रतिवेदन सार्वजनिक लेखा समितिलाई बुझाउनुप¥यो ।’
कुनै लेखा अधिकारीहरु निश्चित विभाग, मन्त्रालयमा दौडिने गरेको बताउँदै पोखरेलले ती अधिकारीले गरेको काम कारबाहीको हिसाव राख्न जरुरी रहेको पोखरेलले बताए ।
५७ औं महालेखाको प्रतिवेदनदेखिका बेरुजुहरुलाई यो आर्थिक वर्षमा हल गर्न समेत समितिले अधिकारीहरुलाई भनेको छ ।
