काठमाडौं / प्रधान सेनापति अशोकराज सिग्देल राष्ट्रपति कार्यालय शीतल निवास प्रवेश गरेका छन् ।
राष्ट्रपति रामचन्द्र पौडेल, प्रधान सेनापति सिग्देल र जेनजी समूहबाट प्रधानमन्त्रीका लागि प्रस्तावित सुशीला कार्कीसहितको निर्णायक बैठक सुरु हुन लागेको स्रोतले जनाएको छ ।
- ADVERTISEMENT -
संसद विघटनको मागबाट जेनजीका विभिन्न समूह पछि नहटेपछि कानूनी विकल्पबारे छलफल गर्न बैठक बोलाइएको हो । स्रोतका अनुसार जेनजी समूह र राष्ट्रपति कार्यालयबीच अन्य विषयमा सहमति जुटिसकेको भए पनि संसद विघटनको विषयमा भने पेचिलो अवस्था सिर्जना भएको छ ।
जेनजी समूह र काठमाडौं महानगरपालिकाका मेयर बालेन्द्र साहले संसद विघटनलाई बटमलाइन बनाएका छन् । तर राष्ट्रपति पौडेल त्यसमा सहज देखिएका छैनन् । यही विषयमा सहमति जुट्न नसक्दा राजनीतिक प्रक्रियामा अन्योल बढेको स्रोतहरूको भनाइ छ ।
- ADVERTISEMENT -
बिहीबार राति अबेरसम्म चलेको बैठकमा पूर्वप्रधानन्यायाधीश सुशीला कार्कीलाई नयाँ प्रधानमन्त्री बनाउने सहमति जुटिसकेको बताइएको छ । तर, संविधानको कुन धारामा प्रधानमन्त्री नियुक्त गर्ने भन्ने विषयमा अन्योल कायमै रहेको छ ।
संसद विघटन नगरी प्रधानमन्त्री नियुक्त गर्दा संवैधानिक जटिलता हुने र संसद विघटनका लागि पर्याप्त कानूनी आधार नरहेको देखिएपछि प्रक्रिया अन्योलमा परेको हो ।
