लमजुङ । भुजुङमा निःशुल्क आँखा शिविर थालेको छ । क्व्होलासोँथर गाउँपालिका वडा नम्बर ४ को भुजुङलाई केन्द्र मानेर मंगलबारबाट शिविर सञ्चालन गरेको हो । कात्तिक २० गते बिहीबारसम्म चल्ने शिविर मङ्गलबारबाट सुरु गरिएको हो ।
शिविरको पहिलो दिन १५१ जनाको आँखा परीक्षण गर्दा २३ जनाको आँखामा मोतियाबिन्दु देखिएको हुँदा शल्यकृया गरिएको शिविरमा संलग्न वरिष्ठ नेत्ररोग विशेषज्ञ डा कमलबहादुर खड्काले जानकारी दिए ।
- ADVERTISEMENT -
मुटु फाउण्डेशन नेपाल तथा मनोज एसोसिएसन फ्रान्सले हिमालय आँखा अस्पताल पोखरा र आई केयर फाउण्डेशन नेपालको प्राविधिक सहयोग तथा क्व्होलासोँथर गाउँपालिकाको स्थानीय व्यवस्थापनमा शिविर सञ्चालन गरेको हो ।
लमजुङ जिल्लाको पर्यटकीय गन्तव्यको रुपमा परिचित स्थान भए पनि क्व्होलासोँथर गाउँपालिकामा पहिलोपटक आँखा शिविर सञ्चालन भएको आयोजकले जनाएको छ ।
ग्रामीण क्षेत्र केन्द्रित कार्यक्रम भएको हुँदा भुजुङमा शिविर सञ्चालन गरिएको मुटु फाउण्डेशन नेपालका अध्यक्ष धनबहादुर गुरुङले जानकारी दिए ।
गाउँमै पहिलोपटक दक्ष चिकित्सकबाट शल्यकृयासहितको निःशुल्क आँखा शिविर भएको हुँदा समयमै मौकाको फाइदा उठाउन उनले आग्रह गरे ।
