चितवन / होटल पौवाले आफ्नो १६औं शाखा विस्तारको क्रममा भरतपुर ७ कृष्णपुरमा औपचारिक रूपमा सञ्चालनमा ल्याएको घोषणा गरेको छ । उक्त शाखाको उद्घाटन कार्यक्रम तीन दिनसम्म चल्ने “नेपाली खाना प्रदर्शनी (Food Exhibition)” मार्फत भव्य रूपमा संचालन गर्ने मंगलबार पत्रकार सम्मेलन मार्फत जानकारी दिएको हो ।
उक्त प्रदर्शनी कात्तिक २७, २८ र २९ गतेसम्म सञ्चालन हुनेछ । प्रदर्शनीमा देशभरका पौवाका शेफहरूले आफैं तयार पारेका विविध नेपाली परिकार र खाना कला प्रदर्शन गर्नेछन् । कार्यक्रममा चितवन, नवलपुर र आसपासका करिब ५० हजार पाहुनाहरू सहभागी हुने अनुमान गरिएको छ ।
- ADVERTISEMENT -
भरतपुर शाखामा १७ वटा लक्जरी कोठाहरू सहित अत्याधुनिक सुविधा उपलब्ध छन् । रेस्टुरेन्ट, गार्डेन, विवाह र कार्यक्रम हलहरू, बालबालिकाका खेल क्षेत्र, र क्याफे समेत समावेश छन् । भविष्यमा थप १२ कोठाको आवासीय भवन निर्माणाधीन अवस्थामा रहेका छन् ।
यसका साथै चितवन, सौराहा, मनकामना, मेलौली लगायत धार्मिक र पर्यटनस्थलहरूमा पनि शाखा विस्तार गर्ने योजना रहेको पत्रकार सम्मेलनमा बताइको थियो ।
पौवाले नेपालको हस्पिटालिटी र पर्यटन उद्योगलाई सुदृढ पार्ने उद्देश्य लिएको छ । नेपालका पर्यटकहरूलाई अन्तर्राष्ट्रिय मापदण्ड अनुसारको सेवा र स्वाद अनुभव प्रदान गर्ने लक्ष्य रहेको छ ।
यसले स्थानीय उत्पादन र संस्कृति प्रवद्र्धन गर्ने, साथै आर्थिक गतिविधि र रोजगारी वृद्धिमा योगदान पु¥याउने विश्वास व्यक्त गरिएको छ ।
“जहाँबाट आतिथ्यको सुरुवात हुन्छ” भन्ने मूल मन्त्रसहित, होटल पौवाले आफ्नो सेवालाई गुणस्तरीय, नेपालीपनमा आधारित र विश्वस्तरीय मापदण्डअनुसार विस्तार गरिरहेको जनाएको छ ।
होटलले हस्पिटालिटी क्षेत्रको निरन्तर विकास र देशको पर्यटन प्रबद्र्धनमा योगदान दिने प्रतिबद्धता व्यक्त गरेको छ ।
