– बबिलाल तामाङ
चितवन । भरतपुर–२, क्षेत्रपुरस्थित चितवन डान्स सेन्टरको आयोजनामा एक्वा जुम्बा डान्स कार्यक्रम सम्पन्न गरिएको छ ।
चितवनका महिला उद्यमीहरुलाई लक्षित गरी सोमबार सिदार्थ होटल न्यूरोडमा एक्वा जुम्बा डान्स कार्यक्रम गरिएको सेन्टरका नृत्य निर्देशक रेनु तामाङले जानकारी दिइन् ।
- ADVERTISEMENT -
मानिसहरुको व्यस्त लाइफ, मानसिक तनावलाई स्वस्थ जीवन तथा मनोरन्जनका लागि विगत एक दशकदेखि डान्स सेन्टरले एक्वा जुम्बा कार्यक्रम गर्दै आएको उनले बताइन् ।
स्वीमिङ पुलको पानीमा रहेर म्यूजिक तालमा गरिने एक्वा जुम्बाले रक्त सञ्चार, श्वासप्रश्वास, स्कीन लगायत शरीरलाई स्वास्थ्य राख्न मद्दत गर्ने उनी बताउँछिन् ।
- ADVERTISEMENT -
हाल जिल्लाका विभिन्न ठाउँमा एक्वा जुम्बा कार्यक्रम हुँदै आएको भए पनि पहिलो पटक चितवन डान्स सेन्टरले नै कार्यक्रम ल्याएको उनले दावी गरिन् ।
पछिल्लो समय चितवन डान्स सेन्टरले महिलाहरुलाई उत्प्रेरित गर्ने उद्देश्यले कार्यक्रम गर्दै आएको उनको भनाइ छ । उक्त कार्यक्रमको सहजीकरण प्रेन्सिडेन्सी कलेजले गरेको हो ।
कार्यक्रमको प्रशिक्षकमा नृत्य निर्देशकहरु मनोज लामा, रेनु तामाङ, अमित राई र किट क्याट रहेका थिए ।
जुम्बामा प्रशिक्षार्थीहरु बीच तातो आलु र दौड प्रतियोगिता सम्पन्न गरिएको थियो । नेपाल राष्ट्रिय कलाकार संघ चितवनका अध्यक्ष रेनुका प्रधानले उत्कृष्ट प्रतियोगीहरुलाई पुरस्कार वितरण गरे ।
चितवन डान्स सेन्टरले निरन्तर विगत दुई दशकदेखि नृत्य क्षेत्रमा सेवा पु¥याउँदै आएको छ भने यसले सांगीतिक क्षेत्रमा उल्लेखनीय योगदान पुग्ने विश्वास गरिएको छ ।
