काठमाडौं / मुलुकले आज (शनिबार) बेलुकासम्म नयाँ मिस नेपाल पाउनेछ । ‘मिस नेपाल २०२६’ को ग्रान्ड फिनाले आज हुँदैछ र उपाधिका लागि २४ जना सुन्दरीले प्रतिस्पर्धा गर्दैछन् ।
यसवर्ष मिस नेपाल वर्ल्ड, मिस नेपाल इन्टरनेसनल र मिस नेपाल कस्मो उपाधिका लागि प्रतिस्पर्धा हुनेछ । द हिडन ट्रेजरले आयोजना गर्दै आइरहेको मिस नेपालको आजको संस्करणमा सहभागी हुन मिस कस्मोसहितका अन्तर्राष्ट्रिय पाहुना पनि काठमाडौंमा छन् ।
मुख्य तीन विधाबाहेक कम्तीमा १ दर्जन सहविधाका विजेता पनि घोषणा गर्ने कार्यक्रम छ । हिमालय टेलिभिजनले ४ बजेदेखि फिनालेको प्रत्यक्ष प्रसारण गर्नेछ ।
