काठमाडौं / फुटबलको महाकुम्भ फिफा विश्वकप २०२६ आज (बिहीबार) देखि औपचारिक रूपमा सुरु हुँदैछ । यो संस्करण इतिहासकै सबैभन्दा ठूलो विश्वकप हुनेछ जसमा ४८ टोलीले प्रतिस्पर्धा गर्दैछन् ।
उद्घाटन खेल आज मध्यरातपछि अर्थात् नेपाली समय अनुसार रातको १२स्४५ बजे मेक्सिको सिटीको मेक्सिको सिटी स्टेडियममा मेक्सिको र दक्षिण अफ्रिकाबीच हुनेछ । यो २०१० विश्वकपको उद्घाटन खेलको दोहोरिने खेल हो । त्यस अघि उद्घाटन समारोह हुने छ ।
- ADVERTISEMENT -
यो विश्वकप क्यानडा, मेक्सिको र अमेरिकाको संयुक्त आयोजनामा हुन लागेको हो । यसैले तीनवटा उद्घाटन समारोह आयोजना हुँदैछन् ।
यो पटकको विश्वकपमा ठूलो परिवर्तन गरिएको छ । प्रत्येक समूहमा ४ टोली रहने गरि ४८ टोलीलाई १२ समूहमा विभाजित गरिएको छ । समूह चरणमा प्रत्येक टोलीले ३ खेल खेल्नेछन् । प्रत्येक समूहको शीर्ष २ टोली र ८ उत्कृष्ट तेस्रो स्थान हासिल गर्ने टोलीहरू ३२ टोलीको नकआउट चरणमा प्रवेश गर्नेछन् । कुल १०४ खेल हुनेछन् ।
- ADVERTISEMENT -
विश्वकप जुलाई १९, २०२६ मा न्यूयोर्क/न्यू जर्सीमा फाइनलसँगै समापन हुनेछ ।
