काठमाडौँ / रसुवाको भोटेकोसी नदीमा आएको बाढीका कारण ठुलो संख्यामा पर्यटक सम्पर्कविहीन भएका छन्। पर्यटन विभागका अनुसार बाढीपछि आन्तरिक तथा विदेशी गरी ६६८ जना पर्यटक सम्पर्कविहीन रहेको विवरण सार्वजनिक गरिएको छ।
विभागले सार्वजनिक गरेको विवरणअनुसार सम्पर्कविहीन हुने पर्यटकमध्ये ३२७ जना महिला रहेका छन्। बाढीका कारण रसुवाका विभिन्न क्षेत्रमा सडक तथा यातायात सम्पर्क प्रभावित भएपछि पर्यटकहरू सम्पर्कविहीन भएको जनाइएको छ।
- ADVERTISEMENT -
बाढी प्रभावित क्षेत्रमा उद्धार तथा खोजी कार्यलाई तीव्र बनाइएको छ। सम्बन्धित निकायले सम्पर्कविहीन पर्यटकको अवस्था पहिचान गर्ने तथा सुरक्षित स्थानमा रहेका पर्यटकसँग सम्पर्क स्थापित गर्ने प्रयास गरिरहेको जनाएको छ।
भोटेकोसी नदीमा आएको आकस्मिक बाढीले नदी आसपासका क्षेत्रमा जनजीवन प्रभावित पारेको छ। बाढीका कारण पर्यटकसँगै स्थानीय बासिन्दासमेत प्रभावित भएका छन्।
पर्यटन विभागले पर्यटकको अवस्थाबारे थप विवरण संकलन भइरहेको जनाएको छ। उद्धार तथा खोजी कार्यको प्रगतिसँगै सम्पर्कविहीन पर्यटकको संख्या तथा अवस्थाबारे थप जानकारी सार्वजनिक गरिने बताइएको छ।
