पहिरोका कारण मुग्लिन–नारायणगढ सडकखण्ड अवरुद्ध

मुग्लिन । मुग्लिन–नारायणगढ सडक खण्डको इच्छाकामना ६ चारकिलो डाँडामा एकाबिहानै पहिरो गएको छ । बुधबार बिहान सवा ४ बजेतिर पहिरो झरेको इलाका प्रहरी कार्यालय मुग्लिनका प्रहरी निरीक्षक कन्चन तामाङले जानकारी दिए ।
प्रहरी निरीक्षक तामाङका अनुसार पहिरोका कारण बिहानैदेखि राजमार्ग दुइतर्फी रुपमा अवरुद्ध बनेको छ । अहिले अवरुद्ध राजमार्ग खुलाउनका लागि इलाका प्रहरी कार्यालय मुग्लिनबाट प्रहरी खटिएको र डोजर ल्याइ पहिरो फाल्ने प्रयास भैरहेको प्रहरि निरीक्षक तामाङले बताए ।
पहिरो झर्ने क्रम अझै जारी रहेकोले पहिरो फाली राजमार्ग सुचारु गर्न कम्तिमा पनि ५ घण्टा लाग्ने प्रहरीले बताएको छ ।