कोरोना संक्रमित बढेपछि आबुखैरेनी बजार ७ दिनको लागि सिल

0
18

आबुखैरेनी । तनहुँको आँबुखैरेनी गाउँपालिका एक हप्ताको लागि बन्द गर्ने भएको छ । पछिल्लो समय गाउँपालिकामा कोरोना संक्रमित देखिने क्रम बढेपछि आकस्मिक बैठक बसी एक हप्ताको लागि बजार बन्द गर्ने आँबु खैरेनी गाउँपालिकाले जनाएको छ ।
गत बिहीवार ९३ जनाको स्वाव संकलन गरी परिक्षणको लागि प्रदेश क्षयरोग केन्द्र पोखरा पठाइएकोमा ८९ जनाको रिपोर्ट नेगेटिभ आएको थियो भने १ जना स्वास्थ्यकर्मीमा पोजेटिभ देखिएपछि उक्त निर्णय लिइएको आँबु खैरेनीका प्रशासकीय अधिकृत बुद्धिप्रसाद भुषालद्वारा जारी विज्ञप्तिमा उल्लेख छ ।
रिपोर्ट पोजेटिभ देखिनेमा आबुखैरेनी हार्डजोर्नी अस्पतालमा कार्यरत स्वास्थ्यकर्मी हुन् । कार्यरत स्वास्थ्यकर्मीमा नै कोरोना पोजेटिभ देखिएपछि अस्पताल सिल गरिएको छ । अन्य स्वास्थ संस्थाहरु पनि न्युनतम मापदण्ड पूरा गरी सञ्चालन गर्न दिने भएको छ ।
यस्तै अत्यावश्यक सेवा बाहेक सम्पुर्ण सेवाहरु पनि एक हप्ताको लागि बन्द गर्ने भएको छ ।
यसैगरी कोभिड १९ को न्यूनीकरणका लागि पिसिआर परिक्षणका लागि स्वास्थ्य सामाग्री भिटिएम खरिद गरी परिक्षणको दायरा बढाउने, पृथ्वी राजमार्ग बाहेक अन्यमा सवार गर्ने दुई पाङ्ग्रे सवारीमा १ जना र चार पाङ्ग्रेमा २ जना मात्र सवार गर्न दिने, धार्मिक क्षेत्र, खेलकुद मैदानहरु बन्द गर्ने, आबुखैरेनी गाउँपालिकामा स्थायी बासिन्दा बाहेक अन्यलाई गाउँपालिका प्रवेशमा रोक लगाउने लगायतका निर्णयहरु गरेको विज्ञप्तिमा जनाइएको छ ।