चितवनमा ‘द कालिका स्पोर्टस् हाउस’को शुभारम्भ

0
357

चितवन / भरतपुर–१० सिनर्जीरोडमा खेलकुदप्रेमीहरुलाई लक्षित गरी ‘द कालिका स्पोर्टस् हाउस’को आइतबार शुभारम्भ गरिएको छ । जिल्ला खेलकुद विकास समिति चितवनका अध्यक्ष प्रल्हाद प्रधानको प्रमुख आतिथ्यतामा द कालिका स्पोर्टस् हाउसको रिबन काटेर उद्घाटन गरिएको हो ।
उक्त स्पोर्टस् हाउस २० लाख रुपैयाँ लागतमा शुभारम्भ गरिएको हो भने खेलकुद सम्बन्धी सम्पूर्ण सामग्रीहरु उपलब्ध हुने व्यवस्थापक चन्द्रलाल जिम्बा तामाङले जानकारी दिए । खेलकुद हाउसका अर्का लगानीकर्ता रविन श्रेष्ठ हुन् ।
व्यवस्थापक तामाङका अनुसार ग्राहकलाई विशेष ध्यानमा राख्दै तीन दिन (साउन ३,४,५ गते) शुभारम्भको समय राखिएको छ । उक्त ३ दिनका लागि ग्राहकलाई खेलकुद सामग्रीहरुमा २० देखि २५ प्रतिशतसम्म छुट गरिएको उनले बताए ।


शक्तिखोर, पिठुवालगायत पूर्वी चितवनबाट आउने मानिसहरुलाई नारायणगढ बजारसम्म जान पर्ने झन्झटलाई ध्यानमा राख्दै भरतपुरमै स्पोर्टस् हाउस खोलिएको उनले बताए । हामीकहाँ रहेका सबै खेलकुद सामग्रीहरु बजार मूल्यभन्दा सुपथ मूल्यमा उपलब्ध गराइने उनको भनाइ छ ।
उक्त स्पोर्टस्मा हाउसमा विशेषगरी र्याकेट (ब्याडमिन्टन), ज्याकेट, जर्सी, क्रिकेट ब्याट्स, फुटबललगायतका सामग्रीहरु राखिएका छन् । खेलकुद बालकदेखि वृद्ध, व्यापारी, जागिरे, खेलकुदप्रेमी सबैलाई अत्यावश्यक भएको र यसैसँग सम्बद्ध सबै सामग्रीहरुको लागि सम्झन सबैलाई उनले आग्रह गरे ।
कार्यक्रममा युवा परिषद्का आश्विन घिमिरे, भरतपुर फुटबल क्लबका संयोजक धु्रव भुषाल, व्यापारी, खेलकुदप्रेमीहरु लगायतको उपस्थिति रहेको थियो ।