पश्चिम चितवनमा भोलि विद्युत अवरुद्ध हुने

0
44

चितवन / पश्चिम चितवनका विभिन्न क्षेत्रहरुमा विद्युत अवरुद्ध हुने भएको छ । नेपाल विद्युत प्राधिकरण चनौली वितरण केन्द्र, चितवनले आज शुक्रबार एक सूचना जारी गर्दै भोलि शनिबार पश्चिम चितवनका विभिन्न क्षेत्रमा लाइन अवरुद्ध हुने जनाएको हो ।
चनौली ३३÷११ केभी सवस्टेसनमा ब्रेकर मर्मत कार्य गर्नुपर्ने भएकाले विद्युत काट्न लागिएको वितरण केन्द्रले जनाएको छ । केन्द्रका अनुसार वितरित फिडरहरु गीतानगर, रामपुर र नारायणी फिडरको लाइन बिहान ७ बजेदेखि साँझ ६ बजेसम्म पूर्णरुपमा बन्द हुने छ ।
मर्मत कार्य समयभन्दा अगाडि सकिएमा अगाडि पनि लाइन दिन सकिने बताइएको छ । बन्द हुने क्षेत्रहरु गीतानगर फिडर अन्तर्गत पर्ने भीमनगर, पार्वतीपुर, जगतपुर, शंकरचोक, लाहुरेचोक, शिवनगर, गीतानगर, पटिहानी लगायत क्षेत्र रहेको केन्द्रले जनाएको छ ।
त्यस्तै रामपुर फिडरमा नयाँ बजार, शारदानगर, रामपुर बजार, रामपुर क्याम्पस, फूलबारी क्षेत्र र नारायणी फिडरमा शारदानगर टाउन, बेलवा, विजयनगर, छहारीचोक, गढी, नविनचोक, मोहनपुर, मंगलपुर र फूर्तिचोक क्षेत्रमा विद्युत कटौती हुने छ ।